২০২৬ৰ বিধানসভা নিৰ্বাচনৰ তাৰিখ ঘোষণাৰ পূৰ্বেও ভোটাৰ তালিকাৰ কঠোৰ সংশোধনক লৈ অসমত ৰাজনৈতিক উত্তাপ বৃদ্ধি পাইছে। ইয়াৰ বাবেই পাথাৰকান্দিত ভোটাৰ তালিকাৰ বিশেষ পুনৰীক্ষণ প্ৰক্ৰিয়াৰ শুনানিৰ সময়ত কংগ্ৰেছ নেতা-কৰ্মীৰ মাজত ব্যাপক প্ৰতিবাদৰ সৃষ্টি হয়।
বিৰোধী দল কংগ্ৰেছে অভিযোগ কৰে যে আগন্তুক নিৰ্বাচনৰ সুবিধা ল’বলৈ সংখ্যালঘু অধ্যুষিত অঞ্চলত বসবাস কৰা প্ৰকৃত ভাৰতীয় নাগৰিকক পৰিকল্পিতভাৱে ভোটাৰ তালিকাৰ পৰা বাদ দিয়াৰ ষড়যন্ত্ৰ আৰম্ভ কৰিছে শাসকীয় দল বিজেপিয়ে। এই ক্ষেত্ৰত তেওঁলোকে নিৰ্বাচন আয়োগৰ ‘ফৰ্ম নং ৭’ক শক্তিশালী অস্ত্ৰ হিচাপে ব্যৱহাৰ কৰিছে। কিন্তু যিসকলৰ নামৰ বিৰুদ্ধে আপত্তি উত্থাপন হৈছে তেওঁলোকে শুনানিৰ সময়ত নথি-পত্ৰ লৈ ব্যক্তিগতভাৱে হাজিৰ হ’লেও অভিযোগকাৰীৰ এজনৰো শুনানি গ্ৰহণ কৰা হোৱা নাই।
ফলত অভিযোগকাৰী অনুপস্থিত হৈ বহু অপেক্ষাৰ অন্তত প্ৰশাসনিক সাহায্য নোপোৱাৰ বাবে সাধাৰণ ৰাইজৰ মাজত বিলাপৰ পৰিস্থিতিৰ সৃষ্টি হয়। অভিযোগকাৰী অনুপস্থিত থকা ক্ষেত্ৰত সকলো অভিযোগ প্ৰ-পত্ৰ বাতিল কৰিবলৈ দাবী জনাইছে কংগ্ৰেছ প্ৰতিনিধিয়ে। যোগাযোগ কৰাত পাথাৰকান্দি সমাজৰ বিষয়া আৰু চক্ৰ বিষয়াই কোনো সন্তোষজনক উত্তৰ নিদিলে। জিলা কংগ্ৰেছ আমিনুল ইছলাম লস্কৰে বিষয়টো বৈধভাৱে যুঁজিবলৈ হুংকাৰ দিয়ে।