আজি ভূপেন বৰাৰ বাসগৃহত উপস্থিত হয় অসম চৰকাৰৰ কেবিনেট মন্ত্ৰী পীযুষ হাজৰীকাই বুধবাৰে ভূপেন বৰাৰ বাসগৃহত সাক্ষাৎ বিজেপিৰ মন্ত্ৰী-বিধায়কৰ ।
ভূপেন বৰাৰ বাসগৃহত সাক্ষাৎ কৰি মন্ত্ৰী হাজৰিকাই কয়, ‘‘মই ভূপেন বৰাৰ সৈতে কংগ্ৰেছত আছিলোঁ । আমি NSUI ত একেলগে কাম কৰিছিলোঁ । প্ৰায় দহ বছৰ আগতে মই কংগ্ৰেছ এৰিছিলোঁ, কিন্তু ভূপেন বৰাই তেতিয়া দলটোত থাকিল । এতিয়া তেওঁ বিজেপিত যোগদানৰ সিদ্ধান্ত লোৱাত মই তেওঁক আদৰণি জনাবলৈ আহিছোঁ ।’’
‘‘কংগ্ৰেছ নেতাসকলে উত্থাপন কৰা অভিযোগ – মন্ত্ৰিত্ব বা পদ লাভৰ আশাত কিছুমান নেতাই বিজেপিত যোগ দিয়ে আৰু দেশপ্ৰেমী নেতাসকল কংগ্ৰেছত থাকে’’ – এই বক্তব্য মন্ত্ৰী হাজৰিকাই কঠোৰভাৱে খণ্ডন কৰি মন্তব্য কৰে । তেওঁৰ ভাষ্য, “বাস্তৱ দেশপ্ৰেমীসকল বিজেপিত যোগ দিয়ে, কংগ্ৰেছত নহয় ।” লগতে তেওঁ কংগ্ৰেছৰ নীতি আৰু নেতৃত্বক সমালোচনা কৰি কয় যে দলটোৱে অসম আৰু দেশৰ স্বাৰ্থৰ পৰা বহুদূৰ আঁতৰি গৈছে ।
মন্ত্ৰী হাজৰীকাই কংগ্ৰেছ নেতা তথা এপিচিচিৰ সভাপতি গৌৰৱ গগৈৰ শেহতীয়া মন্তব্যকো লক্ষ্য কৰি সমালোচনা কৰে । ‘‘ভূপেন বৰাৰ পদত্যাগৰ দিনাই ক্ষমা বিচাৰি এতিয়া কয় ‘বেয়া উপাদান’ কংগ্ৰেছে এৰিছে আৰু ‘ভাল মানুহ’ ৰৈছে – এইটো ৰাজনৈতিক স্ব-বিৰোধিতাৰ দৃষ্টান্ত” – বুলিও তেওঁ মন্তব্য কৰে ৷