পানী কমিছে কিন্তু দুৰ্দশা কমা নাই বানপীড়িত ৰাইজৰ। শিৱসাগৰ আৰু চৰাইদেউ জিলাত বানপীড়িত ৰাইজৰ দুৰ্দশাৰ জীয়া ছবি।
এই সকলোবোৰ মাজতে বানপীড়িত লোকসকলৰ সহায়-সহানভূতিৰ বাবে আগবাঢ়ি আহিছে প্ৰতিগৰাকী অসমীয়াই আগবাঢ়ি আহিছে মন্ত্ৰী-বিধায়ক, শিল্পীৰ পৰা সাধাৰণজনলৈ, কণ্টেণ্ট ক্ৰিয়েটৰ, ইউটিউবাৰৰ পৰা ব্যৱসায়ী-সমাজকৰ্মীলৈ।
সামাজিক দায়বদ্ধতাৰ অংশ হিচাপে চেণ্ট্ৰেল বেংক অৱ ইণ্ডিয়াৰ এক প্ৰতিনিধি দলে অসমৰ মুখ্যমন্ত্ৰীৰ সাহায্য পুঁজিলৈ (Chief Minister’s Relief Fund) ১ কোটি ২৫ লাখ টকাৰ অনুদান আগবঢ়াই।
শুকুৰবাৰে দিছপুৰস্থিত জনতা ভৱনত অনুষ্ঠিত এক অনুষ্ঠানত অসমৰ মুখ্যমন্ত্ৰী ড° হিমন্ত বিশ্ব শৰ্মাৰ হাতত ১.২৫ কোটি টকাৰ চেক আনুষ্ঠানিকভাৱে প্ৰদান কৰে।
মুখ্যমন্ত্ৰী ড° হিমন্ত বিশ্ব শৰ্মাই এই সহযোগিতাৰ বাবে আন্তৰিক কৃতজ্ঞতা জ্ঞাপন কৰে ।