নতুন দিল্লীৰ কাকাস্থিত পৱন খেড়াৰ বাসগৃহত অসম আৰক্ষীৰ দল আৰু দিল্লী আৰক্ষীৰ দল।
উল্লেখ্য যে, কংগ্ৰেছ নেতাগৰাকীয়ে মুখ্যমন্ত্ৰী আৰু তেওঁৰ পত্নীৰ নামত বহিঃৰাষ্ট্ৰৰ তিনিখনকৈ পাছপ’ৰ্ট আছে বুলি অভিযোগ আনিছিল ৷ কংগ্ৰেছ নেতা পৱন খেড়াই অনা অভিযোগক দেওবাৰে নিশাই মুখ্যমন্ত্ৰীৰ পত্নী ৰিণিকি ভূঞা শৰ্মাই মানহানি গোচৰ ৰুজু কৰিছিল৷
সেই গোচৰৰ ভিত্তিত গুৱাহাটী মহানগৰ আৰক্ষীৰ ডিচিপি দেৱজিত নাথৰ নেতৃত্বত দিল্লীত উপস্থিত হয় অসম আৰক্ষীৰ এটা দল ৷ দিল্লীৰ নিজামুদ্দিনস্থিত ঘৰ নং ডি ১২ত কংগ্ৰেছ নেতা পৱন খেড়াক বিচাৰি অসম আৰক্ষীৰ এটা দল উপস্থিত হোৱাত দিল্লী আৰক্ষীয়েও সহযোগ কৰে দলটোক ৷